THE BOX

MAKIN WIR WYE INTAE OBAN WI’ THE WITHER JIST PERFECT, NAE A CLOUD IN THE

SKY, (THAT WIS A MIRACLE ITSEL’ FOR THE WEST COAST). SUDDENLY ANE O’ THE

CREW SHOUTED OOT, “FITS  THAT FLOATIN’ IN THE WATER OWER THERE “. LOOKIN’

OOT THE WHEELHOOSE WINDAE THE SKIPPER SPOTTED FIT HE WIS PINTIN AT.

TURNIN’ THE BOAT TAE GO AND INVESTIGATE FIT IT WIS.   ANCE WE GOT

ALONGSIDE WE SEEN DISCOVERED IT WIS A BOX LINED INSIDE AND THE LID WIS

STILL ATTACHED . THAT ‘ILL MAK A GRAND BOX FOR HADIN’ THE BEEF IN INSTEAD

O’ IT LYIN’ ON TOP O’ THE ICE REMARKED ANE O’ THE CREW.  ABODY AGREED WI’

THIS IDEA AND THE BOX WIS STOWED AWA OOT O’ THE ROAD.  EFTER WE WIS

DEEN O’ LANDIN’ THE BOAT WIS SCRUBBED DOON  AND TIED UP FOR THE

WEEKEND, AT THAT TIME NAEBODY WORKIT AT THE WEEKENDS  IT GAVE THE

GROUNDS AND THE CREWS A WEEL EARNED REST.  ON THE SUNDAY MORNIN’ A

THE GOOD LIVIN’ MANNIES WERE MAKIN’ THEIR WYE ASHORE TAE THE KIRK. AS WE

WERE TIED UP NEXT TAE THE PIER THEY HAD TAE CROSS OOR DECK TAE GIT

ASHORE AND IN DOING SO THEY HAD TAE PASS THE BOX  NOO PLACED ON THE

HATCH GOIN’ INTAE THE HOLD. WE WIS A GETHERED IN THE WHEELHOOSE

LOOKIN’ OOT THE WINDAES TAE SEE FA QUIDNA HELP THEMSELVES AND LOOK

INTAE THE BOX.I DINNA KEN IF YE CRY IT CURIOSITY OR JIST SHEER NOSINESS BUT

THEIR WIS PLENTY O’ MEN FA SUCCUMBED TAE IT THAT DAY. THE FIRST ANE THAT

GAVE IN TAE HIS CURIOSITY SIDLED UP TAE THE BOX AND BEFORE HE LIFTED THE

LID GAVE A FURTIVE LOOK ROON ABOOT TAE SEE THAT NAEBODY WIS WATCHIN’,

SYNE HE QUICKLY LIFTED THE LID AND LOOKIT IN. QUICKER THAN HE HAD LIFTED

IT HE SLAMMED THE LID BACK DOON AND WI’ A FACE THE COLOUR O’ BEETROOT

HE TAEN TAE HIS HEELS. THIS GIED ON A FEW TIMES  AND WE WERE A IN FITS O’

LAUCHIN.  WINNERIN’ FIT A THE NOISE WIS ABOOT THE SKIPPER DECIDED TAE

INVESTIGATE, SO HE CAM’ UP INTAE THE WHEELHOOSE AND ASKED FIT WIS GOIN’

ON. JIST STAN THERE A MEENIT AND YOU WILL SEEN FIN’ OOT SAID ANE O’ THE

CREW, AND SURE ENOUGH THE NEXT VICTIM CAM WANNERIN OWER TAE THE BOX.

LIFTIN’ THE LID SYNE LOOKIN’ IN THE RESULT WIS JIST THE SAME AS A THE REST

AFORE HIM AND AS HE SNEAKED AWA THE SKIPPER HIS AIN CUROISITY  NOO

AROUSED ASKED FIT HAVE YOU LOT BEEN UP TAE. G’WA OOT AND SEE. AYE ‘ILL

JIST DEE THAT AND GAUN OOT ON THE DECK HE WALKED FORRIT AND LIFTIT THE

LID. INSIDE SOMEBODY HAD LEFT A NOTE IN GREAT BIG WRITING  SAYIN’ “NOSEY

B*#*!R”.  I MICHT HAVE KENT HE THOCHT TAE HIMSEL, THAT THEY WID HAVE

GOTTEN UP TAE NAE GOOD SUSPECTIN’ FA THE CULPRIT WIS, BIT NAE BEEIN’ ABLE

TAE PROVE IT.